歡迎蒞臨元朗 —濃情鄉都!

YuenLong Specials 

※   錦田鄉-打醮 2005 ※

     
     

錦田鄉十年一屆「酬恩建醮」(查詢24705345)

位置地圖 在版面底部
     
     

更新2005/11/8醮棚圖片。
另據聞今屆於17/11/05舞鬼王。

12/11/05(星期六)
建醮啟壇
15/11/05(星期二)
正醮/行香(錦田)
16/11/05(星期三)
行香(元朗)

 

 

據鄉民所說,錦田鄉打醮的特色是「行香舞鬼王」。相信不少有參觀過傳統打醮的朋友,都會留意到場內一個兩三層樓高、十分威武的紙扎公仔...稱「鬼王」,用來鎮壓邪靈野鬼的,一般是固定在場內,但錦田的習俗就有個環節...由鄉民抬這巨大的「鬼王」扎作出巡,祈求平安、風調雨順

   
     
             
     
 
※2005/11/17舞鬼王※

舞鬼王的重點行程都是以各村村口為主, 但當晚發生了一個小插曲,途經「投注站」, 亦停下鎮一鎮,引來大家歡呼喝采。
 


(3)


(2剛從惠康抬出來)


(1)

(5)

(4)
小弟隨鬼王追了幾條村,走到上氣唔接下氣。但奇怪啲鄉民,唔知點解咁好氣,段段都衝倒衝倒去。
後尾先知原來各村接力跑的,難為了由頭追到落尾啲攝影大哥,不過氣氛好「正」。
(這類習俗對維系鄉民間的感情相當不錯。)
     
     
等咗好耐都仲未化鬼王,過醮棚醫醫肚,好耐都冇食過炸番薯、油池...好味,
喺特大醮棚、大花牌嘅氣氛下食...好有感覺,好有一種回到從前的感覺。
(仲有臭豆腐、睇戲食的蔗、麥牙糖、夾餅...不過冇食,唔敢食咁耐,怕走雞化鬼王的一刻。)
企左成晚(11:00PM)就係等下面,約20秒的場面...好靚!
特別鳴謝駱漢強先生
     
     

~~~~~~~~~~~~~~~~~~

※正醮日※
看似大專生都來,考察一下醮棚的建築特色。

※建醮日※
     
     

※建醮前※

位置圖

2005/2/13 (正月初五)打緣首

「打緣首」為2005年底打醮的前期準備工作之一,以擲「聖杯」(一對半月形的木器) 的方法,選出一批緣首代表鄉民進行各種祭禮。鄉中每位男丁都有資格擲杯,以連續擲出「正反杯」最多者為勝。緣首中以第一名為最主要,由清早開始各名緣首一一被選出,往往會花上一整天或更長的時間。

錦田鄉「打緣首」的地點有點點特別,並非宗祠亦非廟宇,而是供奉兩位朝廷大官(周有德、王來任)而建的【周王二公書院】,自清康熙廿四年(公元一六八五年)書院建成起,錦田鄉每隔十年一屆建醮,至今已有三百多年歷史。

     
     

唔好以為所有參加打緣首嘅都係
本地傳統嘅中年男士,
年輕嘅、睇番文報紙嘅都一齊出席。

     

圖片只供參考

資料由上述 只供參考,如有改動,恕不另行通知,如有疑問歡迎查詢。

AllRightsReserved版權所有,不得複製。

●有關更多元朗【古蹟,文化,旅遊點,西鐵接駁...資訊】,歡迎瀏覽元朗網站www.YL.hk